Khud se darr lagne lagaa hai,
Beetien huye kal ko bhool jaane mein
Aane wala kal bhi beet raha hai
Kis ko bulao, kis se do-chaar baat karo
Koi padosi ki baat pe naraaz hai,
Aur koi khud se rutha hua hai,
Main toh sirf ek tamaasha hoon
Aaj tere liye, kal sab ke liye
Mann udaas nahi bechain sa hai,
Aankhein bhari nahi, pareshaan hai,
Dil dhadakta hai par jeene ke liye nahi
Marna bhi ab ek khwaab hai
Yeh akelapan bhi ek saathi hai
Jis se dosti karleta hai
Toh nibhana bhi jaanta hai,
Insaan bhool jaye par yeh parchhai hai
Andheron mein saaf dikhta hai
Din mein yeh chhup jaata hai
Kabhi kabhi lagta hai ki sab ek brahm hai
Lekin phir yaad aajata hai
Jab gam ke nishaan sab taraf ho
Toh insaan andar se sirf toot jaata hai
Ek darr aur bhi lagta hai,
Kya main paagal toh nahi?
Jo aaj mein rehkar bhi
Samay ko ulta ginta hoon!
